Bakı. Trend:
Səudiyyə Ərəbistanının "Saudi Aramco" milli neft şirkəti iyul ayında Çinin bir sıra neft emalı zavodu üçün xam neft tədarükünü azaltmaq qərarı verib.
Trend-in məlumatına görə, bu barədə "Reuters" agentliyi yazır.
Qeyd olunur ki, "Aramco" Çində azı beş zavoda gələn ay müqavilədə nəzərdə tutulandan daha az xam neft tədarük edəcəyi barədə xəbərdarlıq edib.
Bu qərarın dünya bazarlarında neftə tələbatının artması ilə əlaqədar verildiyi bildirilir.
Eyni zamanda "Aramco" Malayziyadakı "Petronas"la birgə müəssisəyə tədarükü artırmaq niyyətində olduğunu bildirib.