AYİB Bakıdan 300 km qərbdə, Mingəçevir şəhərində Azərbaycan DRES-in yenidən qurulmasına $115 mln. ayırmağa hazırdır. Trend bildirir ki, sentyabrın 30-da Azərenerji ASC-nin prezidenti Etibar Pirverdiyev bu barədə bəyan edib. "Bank ilə danışıqlar artıq 3 ildən çoxdur ki aparılır.Bu layihə üzrə kredit sazişi gələn ilin əvvəlində imzalana bilər və bank 20 il müddətinə 3 illik güzəştlə LIBOR+0,50-0,55%" dərəcə ilə kredit verə bilər" -deyə E.Pirverdiyev bildirib.
"Azərbaycan DRES-də enerji blokunun yenidən qurulması avadanlığın sıradan çıxması nəzərə alınmaqla vacibdir.Bu gün həmin DRES-də 1 kVt/s elektrik enerjisinin istehsalı üçün 380 qram şərti yanacaq işlənir, amma yenidən qurulma işlərindən sonra bu həcm 330 qramadək azaldılacaq. Bununla yanaşı DRES-də ildə 4000 tondan çox mazuta qənaət etməyə imkan yaranacaq" -deyə E.Piriverdiyev bildirib.
"Stansiyadakı enerji bloklarının bugünkü gücü 2100 MVt. Təşkil edir,yenidən qurmadan sonra isə bu, 2500 MVt.-a çatacaq, yəni yeni gücdə 400 MVt alacağıq" -deyə E.Piriverdiyev qeyd edib.
Onun sözlərinə görə, səkkiz enerji blokunun hər birinə tələb olunan investisiyanın həcmi $17 mln. təşkil edir.