Dövlət Neft Fondu Müşahidə Şurasına Fondun yaxın perspektivdə investisiya siyasəti ilə bağlı təklif təqdim edib. Bu barədə Trend məlumat verib. "Bu. Yaxın 2-3 il ərzində neftdən gələn gəlirlərin artması ilə əlaqədardır. Biz buna hazır olmalıyıq, buna görə də myüvafiq investisiya strategiyası hazırlanmalıdır", - deyə Fondun rəhbəri Samir Şərifov bildirib.
Fond öz təklifində aktivləri 3 yerə (Fondun büdcəsinə müvafiq olaraq müəyyən edilən xərclər portfeli kimi, sabitləşmiş və fövqəladə vəziyyətlər üçün portfel, eləcə də gələcək nəsillər üçün nəzərdə tutulan depozit portfeli) bölməyi təklif edir. 3-cü portfeldən olan vəsaitlər 10 illik müddətə uzunmüddətli investisiyalar üçün nəzərdə tutulmalıdır və yüksək gəlirlərin əldə edilməsi üçün səhmlərdə yerləşdirilməlidir. S.Şərifovun sözlərinə görə, qısamüddətli dövr üçün nəzərdə tutulan portfeldə dəyişikliklər edilə bilər və eləcə də səhmlərə pul qoymaq olar. Digər Neft fondları (Alyaskada, Norveçdə) bu cür analoji taktikadan istifadə edirlər və məcburi olaraq öz aktivlərini səhmlərdə yerləşdirirlər.
Belə strategiyanın yerinə yetirilməsi üçün genişmüzakirələr keçirilməlidir.
Yeni strategiyanın qəbul edilməsindən sonra Neft Fondu menecerlərin miqdarının artırılması istiqamətində işləri fəallaşdırır. Çünki orada onların cəlb edilməsinin əsas istiqamətləri müəyyən ediləcək. S.Şərifovun sözlərinə görə, menecerlərin sayı ötən ildən dəyişdirilməyib. Fransanın Societe General Asset Management bankı ilə müqavilənin pozulmasından sonra onun 2 meneceri qalıb. Bu -Clarident (Credit Suisse-nin yarımbölməsi) bankı və Fondun aktivlərindən $42,4 mln-u onun sərəncamındadır. 2-si isə Deutschebank Asset Management ($72,6 mln.) bankıdır. Qüvvədə olan investisiya siyasətinə görə ARDNF öz aktivlərindən 40%-dən çolxunu xarici menecerldərin idarə edilməsinə verə bilər.
