Azfen-də həmkarlar ittifaqı komitəsi yaradılacaq. Bu barədə Trend ə neft və qaz sənayesi işçilərinin Respublika həmkarlar ittifaqı komitəsində (NQİRHİK) bildirilib.
Təsis konfransı fevralın 17-də Azərbaycan Həmkarlar ittifaqı Konfederasiyasında bu qurumun rəhbəri Səttar Mehbalıyev, şirkət rəhbərliyi, Komitə rəhbəri Cahangir Əliyev və neftçilərin hüquqlarının müdafiəsi komitəsinin rəhbəri Mirvari Qəhrəmanlının iştirakı ilə keçi riləcək.
Bu istiqamətdə fevralın əvvəlində təşəbbüs qrupu yaradılıb.
Konfrans 65 nümayəndənin iştirakı ilə keçiriləcək, bunlardan 17 nəfər komitə üzvü seçiləcək və onlardan 9 nəfər öz növbəsində idarə heyətinin tərkibinə daxil olacaq. [QQ] Bundan başqa, 5 nəfərdən ibarət yoxlama-təftiş komissyiasının tərkibi təsdiq olunacaq. Qeyd edək ki, 2005-ci ildə analoji qurumlar McDermott, Bosshelf və PCH Offshore şirkətlərində yaradılıb.
İndiyədək Shirvan Oil, Salyan Oil, Azgerneft, Anshad Petrol və Lukoil Azerbaijan şirkətlərində həmkarlar ittifaqı komitələri vardı.