Bakı kəndlərinin sosial-iqtisadi inkişafının sürətləndirilməsi proqramı çərçivəsində qazla təchizatın yaxşılaşdırılmasına 28 mln. AZN xərclənəyi ehtimal olunur. Vəsaitin ümumi həcmindən 20 mln. AZN ölkənin dövlət büdcəsindən və 8 mln. AZN isə "Azəriqaz"ın şəxsi vəsaitləri hesabına ödəniləcək. Trend in məlumatına görə, bu barədə "Azəriqaz" SC-nin rəhbərinin birinci müavini Nazim Səmədzadə bildirib.
Hazırda bu layihə üzrə texniki-iqtisadi əsapsların hazırlanması üzrə işlər aparılır. Bura demək olar ki, Bakının ətrafındjakı bütün qəsəbə və kəndlər daxil edilib.
Bu il həmçinin, Azərbaycanın qazla təmin olunmamış rayonlarına da qaz çəkiləcək. Hazırda onların arasında dörd rayon- Lerik, Yardımlı, Ağcabədi və Beyləqan var. 2006-cı ildə Lerik və Yardımlıya qaz çəkiləcək. Lerik rayonunda işlər "Randsand" şirkəti, Yardımlı rayonunda isə "Qaradağ səyyar neft-qaz tikinti" şirkəti tərəfindən həyata keçiriləcək. Hər iki şirkət Azərbaycan şirkətidir. Hazırda onlar artıq layihənin reallaşdırılmasına başlayıblar.
Beyləqan və Ağcabədi əvvəllər q8azlaşdırılmışdı. Lakin Ağcabədiyə verilən qaz hazırda işğal altında olan ərazidə yerləşən qaz kəməri ilə verilirdi. Beyləaqana qaz İmişli rayonundan verilirdi. Lakin indiki halda bu qaz kəməri texniki cəhətdən köhnəlib. Hər iki rayona qaz Bərdə rayonundan verilib. İşlərə bu ilin ortalarında başlamaq nəzərdə tutulub. N.Səmədzadənin sözlərinə görə, işlər 2007-ci ilin sonlarında başa çatdırılacaq.
"Azəriqaz" ölkənin 49 rayonundakı yaşayış məntəqəsinin qazla təminatı üzrə TİƏ hazırlayır. "Azəriqaz"ın nümayəndəsinin sözlərinə görə, ilk növbədə qaz əvvəllər yanacğın verildiyi yaşayış məntəqələrinə çatdırılacaq.