Azərbaycanın Şəki rayonunda modul elektrik stansiyasının inşasında təməlin və özülün qoyulması üzrə əməliyyatlar yerinə yetirilib. Trend in xəbər verdiyi kimi, bu barədə "Azərenerji" SC-nin mətbuat xidmətinin məlumatında deyilir.
Məlumata görə, əməyi mühafizə xidməti subpodratçıların iştirakı ilə seminar keçirib. Qarşılıqlı fəaliyyət, işlərin ardıcıllığını təmin etmək üçün texnoloji xəritələrin tətbiqi ilə bağlı tövsiyələr verilib, o cümlədən profilaktikaya və zədələnmə hallarının azaldılmasına dair təlimat verilib.
Yaxın vaxtlarda analoji işlər Xaçmaz, Bakı və Naxçıvanda modul elektrik stansiyalarının inşasına başlandıqdan sonra həyata keçiriləcək.