Mayın 3-də Azərbaycan Həmkarlar İttifaqları Konfederasiyasının nümayəndələri Tunisə yola düşür. Bu barədə Trend ə Neft və Qaz Sənayesi İşçilərinin Respublika Həmkarlar İttifaqları Komitəsinin rəhbəri Cahangir Əliyev bildirib.
Tunis Həmkarlar İttifaqları Təşkilatının dəvətilə gerçəkləşdirilən səfər mayın 10-na qədər davam edəcək.
Onun sözlərinə görə, səfər zamanı iki ölkənin həmkarlar ittifaqları arasında əməkdaşlıq və əlaqələrin inkişafı, həmkarlar ittifaqları hərəkatı sahəsində təcrübə mübadiləsi kimi məsələlər müzakirə ediləcək.
"Səfər çərçivəsində neft-qaz sektorunun həmkarlar ittifaqları komitəsinin nümayəndələri ilə görüş planlaşdırılır" - deyə C.Əliyev qeyd edib.
