Hazırda Azərbaycan Dövlət Neft Şirkəti köhnə yataqların reabilitasiyası üzrə ilkin layihələrin bir neçə variantını nəzərdən keçirir. Bu barədə Trend ə ARDNŞ-dən bildirilib.
ARDNŞ nümayəndələrinin sözlərinə görə, müxtəlif şirkətlərlə quruda və dənizdə yerləşən yataqlar haqqında bir neçə memorandum imzalanıb. Xüsusilə Ümid-Babək strukturu ilə bağlı məsələ nəzərdən keçirilir.
Bu gün Azərbaycan yataqlarının işlənməsində ABŞ, Avropa və Cənub-Şərqi Asiya ölkələrinini şirkətləri maraqlıdır. Ancaq yeni müqavilələrin bağlanması ARDNŞ üçün məqsəd deyil. Əsas diqqət bunların səmərəli hazırlanmasına yönəlib.
Həmçinin, BP ilə "Qoşadaş" strukturu üzrə danışıqlar da davam etdirilir. Ancaq bu danışıqlar fəal aparılmır. Bu struktura digər şirkətlər də maraq göstərir. Ancaq hələlik konkret nəticələr yoxdur", - deyə ARDNŞ-dən bildirilib.
