2006-cı ilin yanvar-may ayları ərzində Azərikimya DŞ 376,7 min manat dəyərində xalq istehlakı malları istehsal edib. Şirkətdən Trend ə verilən məlumata görə, dövlət strukturunun müəssisələrində istehsalın həcmi 2005-ci illə müqayisədə 58% artıb. Proqnoz 155,6% yerinə yetirilib.
Bu dövr ərzində yüksək təzyiqli polietilen - 69,8%, butadien - 55,8%, butilen-izobutilen fraksiyası - 61%, propilen oksidi - 79,8%, poliefir qatranı - 133,1%, maye kaustik soda - 31,6%, mütləqləşdirilmiş izopropil spirti - 44,9% çox istehsal olunub.
Bu dövr ərzində Azərikimya DŞ-də istehsal olunmuş məhsulların böyük hissəsi Türkiyə, Rusiya, Gürcüstan, Latviya, İtaliya, İspaniya, Belçika, Türkmənistan, Özbəkistan, Ukrayna, İran və İraqa ixrac olunub.
"Hazırda yeni texnologiyaların tətbiqi və şirkətin tərkibinə daxil olan müəssisələrin yenidən qurulması məqsədilə sərmayənin qoyulması istiqamətində işlər görülür", - deyə müəssisədən bildirilib.
