Trend agentliyinin Türkiyə KİV-inə istinadən yaydığı məlumata əsasən, Bakı-Tbilisi-Ceyhan neft boru kəmərinin Türkiyədə açılış mərasiminin büdcəsi 4 mln ABŞ dollardan çoxdur.
Qarşıdakı mərasim Türkiyə Respublikasının tarixində "ən böyük miqyaslı" adlanır. Tədbirdə 85 dövlət və hökumət başçısı, eləcə də nazirin iştirakı təsdiqlənib. Bununla yanaşı, 30 dövlət və hökumət başçısından hələ müsbət cavab alınmayıb. Onların arasında ABŞ və Rusiya prezidentləri Corc Buş və Vladimir Putinin də adları var.
İstanbulda iyulun 12-nə beş ulduzlu "Çırağan", "Hilton", "Ceylan" və "Conrad" otelləri təxsis olunub. Qonaqlar Turkiyə meqapolisinin 8 nüfuzlu mehmanxanasında yerləşdiriləcək. İyunun 13-də mərasim iştirakçıları Ceyhana yola düşəcək və elə həmin gün vətənə qayıdacaqlar.
