Yanvar-iyun aylarında Rusiyanın "Qazeksport" şirkəti ("Qazprom" SC-nin törəmə şirkəti) Azərbaycana 2 mlrd. 325,6 mln. kub metr qaz çatdırıb. Bu barədə, Trend agentliyinin məlumatına əsasən, ARDNŞ-dən xəbər verilib.
Orta hesabla gündə 13,1 mln. kub metr qaz çatdırılır. Ötən ilin ilk yarım ilində şirkət Azərbaycana 2,6 mlrd. kub metr qaz çatdırılıb.
2006-cı ilin iyununda tədarükün həcmi 325,6 mln. kub metr qaz təşkil edib. Ötən ilin iyununda Azərbaycana 367,1 mln. kub metr qaz çatdırılıb.
Cari ildə ARDNŞ "Qazeksport"dan 1 min kub metrə görə $110 qiymətinə təxminən 4,5 mlrd. kub metr qaz alıb. Təbii qaz ölkəyə Şirvanovka-Qazıməmməd kəmərilə verilir.