Azərbaycan Dövlət Neft Şirkətinin quruda və dənizdə neft və qaz hasilatı üzrə "Azneft" İstehsalat birliyi "Muradxanlı" yatağında yeni quyuların qazılması prosesini tezləşdirmək və bu yataqda kəşfiyyat işlərini davam etdirmək niyyətindədir. Trend in verdiyi xəbərə görə, bu barədə ARDNŞ-in məlumatında qeyd olunub.
Bu yataqda aparılmış son tədbirlər bir neçə yeni geoloji obyekti kəşf etməyə imkan verib. Bu obyektlər yataqdan çıxarılan ehtiyatların miqdarını artırıb.
ARDNŞ-də qeyd ediblər ki, hazırda neft və neft məhsullarının qiyməti qazma işlərinin xərclərini çıxarır. Böyüdülmüş "Muradxanlı" yatağı Bakının 400 kilometrliyində yerləşir və "Muradxanlı" və "Cəfərli" yataqlarından ibarətdir.
Obyektiv səbəblərə görə bu yataqlar geologiya və qazıntı işlərinin aparılması nöqteyi-nəzərindən mürəkkəbdir. "Muradxanlı" yatağı 1971-ci ildə kəşf olunub. Yataqda ilk quyu 3 786 metr dərinliyində qazılıb və sutkada 70 ton neft verib. Sonrakı quyuların debiti 500-1000 ton təşkil edib. Lakin tez bir zamanda quyulardan su çıxırdı və ona görə də daim uzunmüddətli təmir etmək lazım gəlir. Hazırda yataqda 60 quyu istismar olunur. 51 quyudan neft fəvvarə üsulu ilə hasil olunur. İlin əvvəlindən yataqda 15 200 ton neft hasil edilib.