İlin sonunadək Azərbaycan Bakı-Novorossiysk boru kəməri ilə ("şimal marşrutu") 4 mln. ton neft nəql etməyi öhdəsinə götürüb. Bu barədə bu gün Trend ə ARDNŞ-in yüksək vəzifəli nümayəndəsi bildirib.
Onun sözlərinə görə, 1 iyul 2006-cı ildə boru kəməri ilə 2,6 mln. ton neft nəql edilib. "Və ona görə də Azərbaycanın neft tranziti üzrə öz öhdəliklərini yerinə yetirdiyini nəzərə alaraq, Rusiya tərəfini də Azərbaycana tranzit qaz tədarükü üzrə öz öhdəliklərini yerinə yetirməyə dəvət etmək istərdik", - deyə o bildirib.
Yanvar-iyun aylarında Rusiyanın "Qazeksport" şirkəti ("Qazprom" ASC-nin törəmə qurumu) Azərbaycana 2 mlrd. 325,6 mln. kubmetr qaz tədarük edib. Qeyd edək ki, artıq bir neçə gündür ki, Dağıstandakı boru kəmərində profilaktik işlərə görə "Qazeksport" Azərbaycana yanacaq tədarükünü dayandırıb.
