Azərbaycan Dövlət Neft Şirkətinin (ARDNŞ) neft və qaz hasilatı üzrə "Azneft" İstehsalat birliyi (İB) dekabr-yanvar aylarında bir neçə yataqda seysmik-kəşfiyyat işləri görmək niyyətindədir. Bu barədə Trend ə ARDNŞ-dən məlumat verilib.
Hazırda İB ARDNŞ yataqlarında seysmik işlərin görülməsi üçün istifadə oluna bilən gəmi məsələsi üzrə Caspian Geophysical birgə müəssisəsindən təkliflər gözləyir.
ARDNŞ "Bulla", "Bahar", dayaz sulu "Günəşli" və b. yataqlarda seysmik araşdırmalar aparmaq niyyətindədir. Bu işlərin görülməsi yatağın hazırlanmasının, perspektiv qazıntı nöqtələrinin və s. müəyyən olunması üçün lazımdır. Yataqlarda ilk dəfə 3D seysmik işlər görüləcək.
ARDNŞ nümayəndələrinin sözlərinə görə, "Günəşli" yatağının dayaz hissəsinin şimalında quyunun qazıntısı zamanı neft ehtiyatları aşkar edilib, lakin su ilə sərhəd hələ müəyyən olunmayıb.
Caspian Geophysical BM ARDNŞ tərəfindən 1994-cü ildə təsis edilib. Müəssisə "Azəri-Çıraq-Günəşli", "Şahdəniz", "Qarabağ", "Əşrəfi" və s. yataqlarda seysmik işlər görüb. Bu işlərə "Bakı" və "Gilavar" gəmiləri cəlb olunub.