"Azəri" yatağının mərkəzi hissəsində quraşdırılmış platformadan qazılmış ikinci istismar quyusunun sutkalıq debiti 36 min barel təşkil edir. Bu barədə Trend ə BP Azerbaijan şirkətindən məlumat verilib. Yatağın bu hissəsində ümumi sutkalıq debit 164 min barelə bərabərdir.
Bu il "Qərbi Azəri" platformasından 4 hasilat quyusunun qazılması planlaşdırılır. Yataqdan hasilata bu ilin yanvarından başlanıb. Bu proses nəzərdə tutulan müddətdən bir neçə ay tez həyata keçirilib.
"Azəri-Çıraq-Günəşli" yataqlar blokundan Azeri Light növlü neft hasil edilir. Neft digər növlərlə qarışdırılmadan BTC boru kəməri ilə Türkiyənin Ceyhan limanına, Bakı-Supsa boru kəməri ilə Gürcüstanın Supsa limanına və dəmir yolu ilə Batumi limanına (Gürcüstan) çatdırılır. Azeri Light neftinin sıxlığı APİ üzrə 34,6 dərəcə, kükürdün həcmi 0,14% təşkil edir.
