...

Azərbaycan Dövlət Neft Şirkəti iri perspektiv dəniz strukturunda kəşfiyyat işlərini sürətləndirmək niyyətindədir

Energetika Materials 25 Oktyabr 2006 15:33 (UTC +04:00)

Trend-i buradan izləyin

Azərbaycan Dövlət Neft Şirkəti (ARDNŞ) "Babək" və "Ümid" perspektiv dəniz strukturlarında kəşfiyyat işlərini sürətləndirmək məsələsini müzakirə edir. Bu barədə Trend ə ARDNŞ-dən bildiriblər. Bu strukturlarda qazma proqramı artıq hazırdır. Maliyyə xəttinin açılması və quyuların qazılmasına başlanılması gözlənilir.

"Amerikanın "ConocoPhillips" şirkəti ilə bağlanmış memorandumun fəaliyyət müddəti başa çatmayana qədər biz bu perspektiv strukturda işlərə başlaya bilmərik. Amma biz kəşfiyyat qazma işlərinə 2007-ci ilin birinci kvartalından tez başlamaq məsələsini müzakirə edirik", - deyə ARDNŞ-dən bildiriblər.

2005-2015-ci illər üçün Azərbaycanın yanacaq-energetika kompleksinin inkişaf proqramına əsasən, 2008-ci ildə "Ümid" və "Babək" perspektiv strukturlarında axtarış-kəşfiyyat işləri bərpa olunmalıdır. Bu yataqlar dənizin dərinsulu hissəsində yerləşir.

ARDNŞ təmsilçisi geotexniki işlərə Hollandiyanın "Fugro" şirkətinə məxsus "Markab" xüsusi gəmisinin cəlb olunacağı ehtimalını istisna etməyib. "Geotexnika YÜQQ-ni qazma nöqtəsinə yerləşdirmək üçün həyata keçirilir. Ola bilsin ki, ARDNŞ-in sifarişi ilə quyuların qazılmasına "Lider" YÜQQ cəlb olunsun", - deyə ARDNŞ-dən bildiriblər.

Proqrama əsasən, 2006-2008-ci illərdə həmçinin "Əşrəfi" və "Qarabağ" yataqlarında kəşfiyyat işlərini başa çatdırmaq və yataqları işlənilməyə hazırlamaq nəzərdə tutulub. 2008-ci ildən başlayaraq 2010-cu ilədək hər iki yataq işlənilməyə cəlb olunmalıdır.

Xəbər lenti

Xəbər lenti