Noyabrın 27-də quruda yerləşən "Kürsəngi-Qarabağlı" yatağında işlər aparan Salyan Oil şirkətinin idarəedici komitəsinin iclası keçiriləcək ki, burada gələn il həyata keçiriləcək işlər üçün büdcə müzakirə ediləcək. Bu haqda Trend -ə şirkətdən xəbər veriblər.
Əvvəllər Azərbaycanın Dövlət Neft Şirkəti və Salyan Oildan olan nümayəndələr texniki komitənin iclasını keçirib. Bu görüşdə gələn il üçün işlər planı müzakirə olunub. İlkin qərara müvafiq olaraq əməliyyat şirkəti gələn il 6 quyu qazacaq. ARDNŞ-də qeyd ediblər ki, hazırda onların hamısı istismar olunan kimi təklif olunur, lakin gələcəkdə su quyularının qazılması haqqında qərar qəbul oluna bilər.
Ehtimal olunur ki, müqavilə sahəsində 8 quyu qazılacaq. Onlardan dördü istismar, ikisi laylardan su vurması, biri kəşfiyyat və biri qiymətləndirici quyu kimi planlaşdırılır. Ehtimal olunan investisiyaların həcmi $50 milyondur. Qazıntı işləri Çin qazıntı podratçısı Great Wall tərəfindən həyata keçiriləcək.
