"Xəzər-4" qazma qurğusu "Qərbi Abşeron" strukturunun cənub hissəsində layihə dərinliyi 800 metrdən artıq olan üçüncü quyunun qazıntısını davam etdirir. Bu barədə Trend ə Azərbaycan Dövlət Neft Şirkətindən məlumat verilib. Hazırda qazma qurğusu yatağın bu hissəsində 640 metr qazıb. Bu qurğudan cəmi 12 quyunun qazılması nəzərdə tutulub. Bu quyular önləyici quyulardır. Onlar qazıldıqdan sonra platformadan sonrakı hasilat üçün konservləşdiriləcəklər.
Həmçinin kəşfiyyat quyularını qazan "Abşeron" qurğusundan qazıntı işləri davam etdirilir. Hazırda quyunun dərinliyi 680 metr, layihə dərinliyi isə təxminən 850 metrdir. Hər iki quyunun gələn ayın əvvəlində tamamlanması nəzərdə tutulub. Lakin bu, hava şəraitindən asılı olacaq.
"Abşeronneft" NQÇİ-də səfər toplantısında "Azneft" rəhbərliyi "Qərbi Abşeron" yatağının mənimsənilməsi üzrə proqram hazırlamaq barədə qərar qəbul edib. Proqrama yeni platformaların tikintisi daxildir.
Birinci platforma üç qazılmış qaz quyularının qoşulması üçün qurulacaq. Onlar qazılıb və konservləşdirilib. Bu quyuların təxmini debiti sutkada 250 min kubmetr qaz təşkil edəcək. Bu, hasilatın yeni metodlarına - qaz-lift metoduna keçməyə, eləcə də məişət ehtiyacları üçün qaz verməyə imkan verəcək. Bu, birinci dərəcəli məsələdir.
Gələcəkdə "Xəzər-4" üzən qazma qurğusundan qazılmış quyuların istismarı üçün platformanın tikintisi nəzərdə tutulub. Hazırda artıq qərar qəbul olunub ki, bu platformadan yeni qazıntı nöqtəsində əvvəl planlaşdırıldığı kimi altı deyil, 12 quyu qazılsın. Bu onunla izah olunur ki, kəşfiyyat qazıntısı böyük neft dolğunluğunu və layların güclü olduğunu göstərib. Orta sutkalıq debit sutkada təxminən 10 ton təşkil edir.
Həmçinin bu yataqda "Abşeron" qazma qurğusundan kəşfiyyat qazıntısı davam etdiriləcək. Hazırda bu platformanın iş proqramında iki quyu var. Sonradan onların sayı arta bilər.
Əvvəllər "Xəzər-4" qurğusundan yataqdakı nöqtələrdən birində altı quyu qazılıb. Bu yerdə həmçinin platformanın qurulması nəzərdə tutulub. ARDNŞ-dən bildiriblər ki, proqram qəbul olunduqda platformanın qurulmasının ardıcıllığı haqqında qərar qəbul olunacaq. Lakin artıq bu gün məlumdur ki, birinci - qaz quyuları üçün platforma olacaq. Bu platformanın tikintisinə artıq başlanılıb. Onun gələn ilin birinci rübündə quraşdırılması nəzərdə tutulub. Platforma suyun 12-15 metr dərinliyində quraşdırılacaq. Gələn il daha bir platforma quraşdırılacaq.
Bu yataqda ehtiyatların qiymətləndirilməsi göstərdi ki, ola bilər, orada 10 mln. tondan artıq ehtiyat var. Ehtiyatların yenidən qiymətləndirilməsi kəşfiyyat qazıntısından sonra həyata keçirilib. Əvvəllər 5 mln. tonun olduğu nəzərdə tutulurdu.