"Azərkimya" Dövlət Şirkətinin müəssisələri tərkibinə daxil olan "Sintezkauçuk" zavodu xammal alınması ilə bağlı tender elan edib. Müəssisədən alınan məlumata istinadən Trend bildirir ki, tender 100 ton atsetonitril alınması ilə bağlı elan edilib. Tenderdə iştirakın dəyəri 200 manat təşkil edir.
Marağı olan şəxslər 2007-ci il yanvarın 10-na qədər sənədləri təqdim etməlidirlər. Təkliflər 17 yanvardan gec olmayaraq qəbul ediləcək. Tender proseduru isə yanvarın 18-də "Sintezkauçuk" zavodunda keçiriləcək.
