"Şahdəniz" yatağından qazın paylanması ilə bağlı Azərbaycanın qərarı ilk növbədə milli maraqlardan irəli gəlib. Bu barədə Trend ə eksklüziv olaraq Azərbaycan XİN başçısı Elmar Məmmədyarov bilirib. O qeyd edib ki, hər dəfə Azərbaycan özünün xarici siyasətini qurarkən məhz bu mövqedən çıxış edir.
Xatırladaq ki, dekabrın 8-də Azərbaycan, Türkiyə və Gürcüstan nazirlərinin Tbilisidə keçirilən görüşünün nəticəsi olaraq Türkiyənin "Şahdəniz" yatağında olan, ilin sonuna qədər ona ayrılan 300 mln. m3 həcmdə qazı təşkil edən kvotası üç ölkə arasında paylaşdırılacaq.
Qeyd edək ki, 2007-ci il yanvarın 1-dən etibarən "Qazprom" Gürcüstan üçün qazın qiymətini 110 dollardan 230 dollara qədər artıracaq. Alternativ qaz mənbələri üçün Gürcüstan İran, Azərbaycan və Türkiyə ilə danışıqlar aparır.