"Salyan Oil" əməliyyat şirkəti "Kürsəngi-Qarabağlı" yatağında növbəti - beşinci istismar quyusunun qazılmasına başlayıb. Bu barədə Trend ə şirkətdən xəbər veriblər.
Şirkət nümayəndəsinin sözlərinə görə, quyunun layihə dərinliyi 3500 metr təşkil edir. Quyunun qazılması 2007-ci ilin yanvar-fevral ayında başa çatdırılacaq.
Əvvəllər şirkət bu quyunun qazılması üçün torpaq seçimi ilə bağlı bəzi çətinliklərlə rastlaşmışdı.
"Salyan Oil" şirkətinin əməliyyat komitəsinin dekabrda keçirilən iclasında gələn il görüləcək işlərin büdcəsi 43 mln. dollar səviyyəsində müəyyən edilib. Ümumilikdə gələn il 5 quyunun qazılması planlaşdırılır. Bu quyuların hamısı istismar quyusu kimi nəzərdə tutulub. Həmin quyuların layihə dərinliyi təxminən 3500 metr təşkil edəcək.
