Gələn ilin əvvəlində Azərbaycan Dövlət Neft Şirkəti, əvvəl planlaşdırıldığı kimi, "H.Əliyev adına" neft emalı zavodunda kataliz reforminqi qurğusunu dayandırmayacaq. Bu barədə Trend ə ARDNŞ-ın emal üzrə vitse-prezidenti Davud Məmmədov məlumat verib.
Bu, onunla izah olunur ki, respublikada benzin istehsal edən əsas qurğu - kataliz krekinqi qurğusu mazut komponentlərində işləyir.
"Azərbaycan mazut rejiminə keçdiyindən krekinq məhdud güclə işləyəcək", - deyə D.Məmmədov qeyd edib. Ona görə də respublikanı benzinlə təmin etmək üçün reforminq qurğusu işləyəcək.
"Bu qurğuların işləməsi hesabına respublikanın benzinə olan daxili tələbatı tamamilə təmin olunacaq. Benzinin ixrac məsələsinə baxılır. İxraca respublikadakı istehlakdan çox - bütün qalıq həcmi göndəriləcək. Lakin ixracın tamamilə dayandırılması da mümkündür", - deyə ARDNŞ-in vitse-prezidenti qeyd edib.