Azərbaycan Beynəlxalq Əməliyyat Şirkəti (ABƏŞ) yanvarın sonu-fevralın əvvəlində Bakı-Supsa qərb boru kəməri marşrutu ilə yüngül neftin nəqlini bərpa etməyi planlaşdırır. Bu barədə Trend ə çərşənbə günü ABƏŞ-in iştirakçısı olan Azərbaycan Dövlət Neft Şirkətindən məlumat verilib.
Boru kəmərinin işinin bərpa olunmasına baxmayaraq, ARDNŞ bu boru kəməri ilə öz neftini nəql etməyi planlaşdırmır, belə ki, neft elektrik enerjisini əldə etmək üçün istifadə olunan mazut istehsalı üçün yerli NEZ-lərə göndərilir.
"ARDNŞ-də Supsadan mənfəət neftinin partiyaları olur. Lakin bu həcmlər ABƏŞ-in hasilatı çərçivəsində satılır. Hazırda bizim neftin böyük hissəsini emala göndərməyimizdən başqa, boru kəmərinin özündə ARDNŞ-in öz neftinin nəqli üçün güc çatışmaya bilər", - deyə şirkətdən bildirilib.
1 yanvar 2007-ci il tarixindən Dövlət Neft Şirkəti xammalın NEZ-də emal edilməsinin xeyrinə Bakı-Novorossiysk şimal boru kəməri marşrutu ilə də öz neftinin nəqlindən imtina edib.
Hazırda ABƏŞ-in operatoru BP Azerbaijan şirkəti Bakı-Supsa kəmərini təmir edir. İşlər borunun 150 kilometrlik hissəsində Gürcüstan ərazisində aparılır.
"Çıraq" yatağında hasil olunan və Bakı-Supsa boru kəməri ilə nəql olunan ABƏŞ-in neft həcmi Bakı-Novorossiysk şimal boru kəməri marşrutuna və Batumi limanındakı dəmir yoluna istiqamətləndirilib.
