Hazırda Bakı-Tbilisi-Ceyhan (BTC) boru kəməri ilə "Azəri-Çıraq-Günəşli" yatağında hasil edilən neft 500 min barel orta sutkalıq həcmlə ötürlür. BTC operatoru - "BP Azerbaijan" şirkətindən bazar ertəsi Trend ə bildiriblər ki, dövri olaraq sutkalıq həcm 550 min barelə çatır.
Bu ilin mart-aprel ayında bu boru kəmərinin maksimum ötürmə gücünün - 1 mln. barelə çatdırılması düşünülür. Hazırda boru kəmərinin ötürmə gücü nasos stansiyalarında qaz əvəzinə dizel yanacağından istifdə edilməsi səbəbindən sutkada 500-550 min barel səviyyəsindədir.
Aparılan qiymətləndirmələrə görə, BTC üzrə neft nəqlinin maksimum həcmi 2012-1013-cü ilə qədər qorunub saxlanacaq.