Azərbaycan, Bakı / Trend müxbir S.Əliyev / Azərbaycan Dövlət Neft Şirkətinin (ARDNŞ) Marketinq və iqtisadi əməliyyatlar idarəsi (MİƏİ) Novorossiysk limanından 450 min barel neftin yüklənməsi üçün tender elan edib. Bu barədə cümə günü ARDNŞ-dən məlumat verilib.
Partiya martın 15-16-da yüklənəcək. Tender fevralın 28-də yekunlaşdırılacaq.
Bu, Dövlət Neft Şirkətinin öz yataqlarında hasil etdiyi və birgə müəssisələr və əməliyyat şirkətlərinin öz nefti olacaq.
Fevral ayında ARDNŞ Novorossiyskdan 450 min barel həcmində bir neft partiyası yükləyib.
ARDNŞ tərəfindən boru kəməri üzrə ötən illə müqayisədə neft yüklənmələrinin azalması onunla izah olunur ki, demək olar ki, bütün neft həcmi elektrik stansiyaları üçün yanacaq almaq üıün NEZ-ə göndərilir. Bu il Azərbaycan elektrik stansiyalarında elektrik enerjisinin alınması üçün yanacaq qismində istifadə olunan Rusiyadan qaz idxalını dayandırıb.
2006-cı il ərzində ARDNŞ Bakı-Novorossiysk şimal boru kəmər marşrutu ilə 1 mln. 172 min ton neft ixrac edib (2005-ci ildə - 1 mln. 631 min ton).
