Azərbaycan,Bakı/müxbir " İ.Xəlilova/"Azərbaycan İnvestisiya Şirkəti" (AİŞ) SC Azərbaycanın Qaradağ rayonunda yeni neft terminalı və limanının tikintisi layihəsinə iştirakçı cəlb etmək məqsədilə investorlarla danışıqlar aparır. Bu barədə AİŞ -in icraçı direktoru Anar Axundov məlumat verib.
Onun sözlərinə görə, layihənin qiymətləndirilməsinin başa çatdırılmasından sonra investorların dairəsi dəqiqləşdiriləcək.
"Biz, iştirakda institusional investorların maksimal sayında maraqlıyıq və bu daha gəlirli və səmərəli şərtlərlə onları cəlb etməyə imkan verəcək", - deyə o, bildirib.
Layihənin qiymətləndirilməsi üçün AİŞ Amerikanın "Nexand" şirkətini cəlb edib.
A.Axundovun sözlərinə görə, "Nexand" may ayında layihənin perspektiv və səmərəliliyinin qiymətləndirilməsini başa çatdıracaq.
Bundan öncə AİŞ "Qafqaztransservis" şirkəti ilə "Məramnamə" protokolu imzalayıb. AİŞ-lə razılığa əsasən, şirkət genişləndirilmiş, dəqiqləşdirilmiş biznes-plan hazırlayacaq. Terminal və limanın tikintisi 90 mln. dollar məbləğində qiymətləndirilir. AİŞ-in iştirakı digər layihələrdə olduğu kimi 20-25 faizədək gözlənilir.