Azərbaycan,Bakı/müxbir Trend S.Əliyev/Azərbaycan Beynəlxalq Əməliyyat Şirkəti (ABƏŞ, operator BP) "Azəri-Çıraq-Günəşli" yatağında neft hasil olunan "Fasilə layı"ndan yuxarıda yerləşən 8-ci horizontda (Balaxanı layı) qaz hasilatına başlayıb. Bu barədə ADNŞ-dən məlumat verilib.
Bu qazın hasilatı onun yenidən laya vurulmasına imkan verəcək, bu da "Azəri-Çıraq-Günəşli" yatağında neft hasilatının artırılmasına və sabitləşdiriləmsinə səbəb olacaq. "Fasilə layı"ndan yuxarıda yerləşən horizontlarda işlər yeni müqavilənin bağlanmasını tələb etmir.
Eskpertlərin qeyd etdiyi kimi, ADNŞ Balaxanı layının, o cümlədən, "Günəşli" yatağının azsulu hissəsinin işlənməsi ilə məşğuldur. Burada hasilat şəxsi gücün hesabına həyata keçirilir. Yalnız bu il ADNŞ qaz hasilatını artırmaq üçün 13-20 quyu qazmaq niyyətindədir. "Azəri-Çıraq-Günəşli"də hasilatın bölüşdürülməsi üzrə saziş 1994-cü ilin sentyabrında imzalanıb və 30 il müddətinə "Azəri-Çıraq-Günəşli" yatağının müqavilə sahəsinin işlənməsini nəzərdə tutur. Qiymətləndirməyə əsasən, müqavilənin fəaliyyət dövrü ərzində 5,4 mlrd. barrel neft hasil olunacaq.
"Azəri-Çıraq-Günəşli" layihəsinin iştirakçıları: BP (operator - 34,1 faiz ), Chevron (10,2 faiz), ADNŞ (10 faiz), INPEX (10 faiz), Statoil (8,6 faiz), ExxonMobil (8 faiz), TPAO (6,8 faiz), Devon (5,6 faiz), ITOCHU (3,9 faiz) və Hess (2,7 faiz).