Azərbaycan, Bakı, /müxbir Trend S.Əliyev/ ARNDŞ "Şahdəniz" yatağından qaz alınması üçün istifadə olunan boru kəmərinə əlavə hissənin tikintisinə başlayıb. Çərşənbə günü ARNDŞ-in qaz əməliyyatları üzrə İdarə Heyətinin direktoru Kamal Abbasovun sözlərinə görə, hazırda Azərbaycan gün ərzində "Şahdəniz" yatağından 5 mln. kubmetr qaz əldə edir ki, bu da əsasən qaz yatağının yeraltı hissəsindən çıxarılır.
Qaz Səngəçal-Kəlməz xətti vasitəsilə daşınır (24 km). Səngəçalda "Şahdəniz" yatağından qazın daxil olduğu terminal, Kəlməzdə isə yeraltı qaz yataqları yerləşir. "Bu sistem 5 mln.-dan artıq qaz qəbul edə bilmir. Hazırda ARNDŞ boru kəmərinin davamını Hacıqabulda yerləşən milli qazpaylaşdırma sisteminə qədər tikməkdədir" - deyə Abbasov bildirib. "Şahdəniz" yatağından alınan qazdan əlavə, hazırda "Azərenerji" QSC gün ərzində ARNDŞ-dan 13 mln. kubmetr, həmçinin "Azəri-Çıraq-Günəşli" yatağından gün ərzində 7 mln. kubmetr qaz alır. Bu il "Azəriqaz" "Şahdəniz" yatağından 1,8 mln. kubmetr qaz almağı planlaşdırır. Bu qaz əsasən yeraltı qaz yatağından çıxarılacaq.
