Azərbaycan, Bakı/ Trend / İyunun 28-də Azərbaycan prezidenti İlham Əliyev Dövlət Neft Fondunun (ARDNF) 2006-cı il büdcəsinin icrası haqqında sərəncam imzalayıb. Bu barədə xəbəri rəsmi mətbuat yayıb.
Büdcənin icrası 985938,7 min manat gəlir və 981375,9 min manat xərclə təsdiqlənib. 2006-cı ildə Fondun gəlirləri nəzərdə tutulduğundan 15,4 faiz artıb, xərcləri isə 4,4 faiz azalıb.
Fondun gəlirləri karbohidrogenlərin satışından 896258 min manat, ixrac və daxili neft qiymətlərinin fərqindən - 10972,7 min manat, bonuslardan (mükafatlar) 1797,7 min. manat, neft və qazın ərazidən ötürülməsindən 12716,3 min manat , akrhesabı ödənişlərdən 7570,9 min manat olub. Fondun aktivlərinin yerləşdirilməsindən gəlirlər 55953,3 min manat olub.
Fondun əsas xərcləri sırasında dövlət büdcəsinə transferlər 585 mln. Manat təşkil edib, Oğuz-Qəbələ-Bakı su kəmərinin tikilməsinə 82748,7 min manat, Bakı-Tiflis-Ceyhan əsas ixrac boru kəməri layihəsində ölkənin ilştirak payının maliyyələşdirilməsinə 75409,1 min manat, Azərbaycan İnvestisiya Şirkətinin nizamnamə kapitalının formalaşdırılmasına 90 mln. manat, qaçqın və məcburi köçkünlərin sosial-məişət şəraitinin yaxşılaşdırılmasına 110031,5 min manat, Samur-Abşeron suvarma kompleksinin yenidən qurulmasına 37 mln. manat sərf olunub. Fondun inzibati xərcləri 1186,6 min manat təşkil edib.
