...

Əli Bayramlı elektrik stansiyası payız-qış mövsümünə hazırlaşır

Energetika Materials 9 İyul 2007 17:12 (UTC +04:00)

Trend-i buradan izləyin

Azərbaycan, Bakı/ Trend / 2007-2008-ci ilin payız-qış mövsümünə hazırlıqla əlaqədar olaraq qrafiklə nəzərdə tutulmuş müvafiq işlər görülür. Bu barədə "Əli Bayramlı İES" MMC-nin direktoru Əlirza Səmədova istinadən "Azərenerji" mətbuat xidməti məlumat yayıb.

Onun sözlərinə görə, Əli Bayramlı İES-in fəaliyyət göstərdiyi ərazidə EÖX-in uzunluğu 2100 km təşkil edir, stansiyanın ümumi gücü isə 1800 MVA təşkil edir.

Növbəti payız-qış mövsümünə hazırlıqla əlaqədar 330 kilovoltluq Əli Bayramlı üçüncü və dördüncü, 110 kilovoltluq Sabirabad üçüncü və digər elektrik ötürücüsü xətlərində təmir işləri həyata keçirilib.

Bununla yanaşı 110 kilovoltluq birinci və ikinci Talış elektrik ötürücü xətləri ayrılmış, yuxarıda göstərilən EÖX-in qəza vəziyyətində olan iki dayağı əvəz olunub. Birinci Sabirabad EÖX-in anker dayağı, ikinci Salyan EÖX-də metal dayaq yenisi ilə əvəz olunub. Yanğın hadisələlrinin qarşısının alınması üçün EÖX-in keçdiyi ərazilər hündürboylu bitkilərdən təmizlənib.

110/35/10 kilovoltluq stansiyalarda müxtəlif güclü transformatorlar daha güclü transformatorlarla əvəz olunub. Avadanlıqlarda müxtəlif təmir işləri aparılıb. 110 kilovoltluq "Şəhriyar" və "Alar" stansiyaları təmir olunaraq 110 kilovoltluq ayrıclara qoşulub.

Xəbər lenti

Xəbər lenti