Azərbaycan, Bakı / Trend müxbir S.Əliyev/ "Günəşli" yatağının (Neft və qaz istehsalının 60 faizini verən ARDNŞ-in ən iri yatağı) dayaz hissəsini işləyən Azərbaycan Dövlət Neft Şirkətinin "28 may" Neft-Qaz Çıxarma İdarəsi (NQÇİ) birinci yarımil ərzində 2,66 mln. ton neft hasil edib. Bu barədə NQÇİ rəhbəri Saday Nəsibov məlumat verib.
Onun sözlərinə görə, NQÇİ-nin istismar quyu fondu 242 ədəddir. Onlardan 220-si fəaliyyətdə olan, 22-si isə fəaliyyətini dayandırmış quyudur. Yanvar-iyul ayları ərzində fəaliyyətsiz quyu fondundan 3 quyunun proqnozlaşdırılmasına baxmayaraq, 5 quyu istismara verilib ki, bu da əlavə olaraq 17 min ton neft istehsal etməyə imkan verib.
Bu dövr ərzində 8 yeni quyu istismara verilib ki, bunlardan da 55 min ton neft hasil edilib. 6 yeni quyu qazılıb.