Azərbaycan, Bakı / Trend / Çərşənbə günü Azərbaycanın Rabitə və İnformasiya Texnologiyaları Nazirliyində (RİTN) ABŞ-ın Müdafiə Təhlükəsizliyinin Azaldılması üzrə Ofisin nümayəndələri ilə görüş keçirilib (MTAO). Bu barədə Nazirliyin mətbuat xidməti məlumat verib.
Görüş zamanı Azərbaycanda yaradılan Xəstəliklərin İnteqrasiya edilmiş Elektron Müşahidə Sistemi (Electronic İntegrated Disease Surveillance System - EİDSS) barədə ümumi məlumat verilib, Patogen Əşyalara Nəzarət Sistemi (Pathogen Asset Control System-PACS) və EİDSS üçün ölkə daxilində qeydiyyat qaydaları və proseduraları, EİDSS və PACS-da xidmətin təşkil edilməsi məqsədilə texniki heyət üçün imkanları müzakirə edilib. Görüşdə, həmçinin, RİTN, MTAO və "B& V" şirkəti (layihənin sistem təminatçısı və podratçısı) arasında əməkdaşlıq istiqamətlərinə dair fikir mübadiləsi aparılıb.
