Azərbaycan, Bakı / Trend , müxbir S.Babayeva/ Azərbaycanın Rabitə və İnformasiya Texnolqogiyaları Nazirliyinin çərşənbə axşamı yaydığı məlumatında bildirilir ki, yanvar-noyabr aylarında nazirliyin gəlirləri 1,67 mlrd. manat təşkil edib. Bu, proqnozdan 20,2 mln. manat çoxdur.
Əhalidən əldə olunan gəlirlər 64 mln manat təşkil edib ki, bu da proqnozlaşdırıldığından 4,9 mln. manat çoxdur.
İlin əvvəlindən Azərbaycanın rabitə və informasiya texnologiyaları sahəsinə qoyulan investisiyalar 27 mln. manat təşkil edib.
Bu il dövlət rabitə müəssisələri 29 mln. manat investisiya qoymağı planlaşdırır. Ötən il dövlət rabitə müəssisələrinin investisiyaları 42 mln. manat təşkil edib, bu sahəyə qoyulan ümumi investisiyalar isə, 211,6 mln. manata çatıb (Azərbaycan iqtisadiyyatına qoyulan investisiyaların 3,5%-i) .