Azərbaycan, Bakı, 07 fevral / Trend / Azərbaycanın Şərq və Qərb arasında informasiya körpüsü yaratmaq layihəsi əcnəbi telekommunikasiya şirkətlərinin marağına səbəb olub, - Azərbaycanın rabitə və informasiya texnologiyaları naziri Əli Abbasov hesab edir. Bu barədə nazirliyin mətbuat xidmətinin məlumatında deyilir.
Layihənin təşəbbüskarı Azərbaycan hökuməti və ABŞ-ın Ticarət və İnkişaf üzrə Departamentidir.
Nazirin sözlərinə görə, yaxın zamanda bu layihənin həyata keçirilməsinə dair Bakıda konfrans keçiriləcək.
Layihəyə əsasən, Şərqi Avropadan Cənub-Şərqi Asiyayadək informasiya boşluqlarını doldurmaq üçün yüksəksürətli şəbəkənin çəkilməsi nəzərdə tutulub. Layihənin dəyəri açıqlanmır; bu məsələ gələcək görüşdə bir sıra ölkələrin rabitə administrasiyaları ilə müzakirə olunacaq.
