Azərbaycan, Bakı, 21 aprel / Trend / Azərbaycanın rabitə və informasiya texnologiyaları nazirinin müavini Elmir Vəlizadə Hannoverdə işgüzar səfərdədir. Bu barədə dövlət idarəsindən məlumat verilib.
Hannoverdə hər il keçirilən, yeni texnologiyalara və sənayenin bir çox sahələrindəki işlərə həsr olunmuş "Get new technology first" beynəlxalq sərgisi çərçivəsində "Azərbaycanın iqtisadiyyat günü" tədbiri keçiriləcək. Tədbirdə məqsəd Azərbaycanın qeyri-neft sektorunun inkişafı və potensialı ilə sərgi iştirakçılarını tanış etməkdir.
Nazir müavininin səfəri 25 aprelədək davam edəcək.