Azərbaycan, Bakı, 16 may/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin Azerpocht DM 2007-ci ildə fəaliyyətinin auditinin aparılması üçün məsləhətçi seçir. Bu barədə cümə günü təşkilatdan məlumat veriblər.
"Audit "Maliyyə xidmətlərinin inkişafı" layihəsi çərçivəsində Dünya Bankının (DB) hesabına maliyyələşdiriləcək", - DM-dən bildiriblər.
DM üç şirkətə - Deloitte and Touche, Ernst and Young və Moore Stephens şirkətlərinə auditorun seçimində iştirakla bağlı müraciət göndərib. Təkliflər paketi mayın 20-də açılacaq, yekunlar DB ilə razılaşdırılacaq.
Müqavilə bağlandıqdan sonra qalib elan edilən şirkət bu gün reallaşdırılan "Maliyyə xidmətlərinin inkişafı" layihəsi çərçivəsində, iki ay ərzində Azerpocht-un fəaliyyətinin auditini aparmalıdır.
Əsas komponenti maliyyə xidmətlərinn tətbiqi üçün ölkənin poçt şəbəkəsinin müasirləşdirilməsi olan "Maliyyə xidmətlərinin inkişafı" layihəsinin dəyəri $17,5 mln.-dur. DB $12,25 mln. kredit ayıracaq. Qalan vəsait isə, Azərbaycan hökumətinin payına düşür.
