Azərbaycan, Bakı, 30 may / Trend müxbir S.Babayeva/ Azərbaycanın Rabitə və İnformasiya Texnologiyaları Nazirliyi kompüter hadisələrinə reaksiya verən komandanın (CERT - Computer Emergency Response Team) yaradılmasının məqsədəuyğunluğunu öyrənir. Bu barədə cümə günü nazirlikdən məlumat veriblər.
"Biz həmçinin belə qrupun yaradılmasında optimal variantın seçilməsi üçün xarici ölkələrin təcrübəsini öyrənirik", - deyə nazirlikdən bildiriblər.
Rabitə Nazirliyində CERT-in yaradılması üzrə təkfiflərin hazırlanması müddətinin detalları barədə konkret heç nə deməyiblər. Təkliflər gəlcəkdə nəzərdən keçirilmək üçün hökumətə təqdim ediləcəklər.
"İndi biz yalnız Azərbaycanda belə idarənin təsis edilməsinin konturlarını müəyyən etməyə çalışırıq", - deyə nazirlikdən bildiriblər. Təsisatın strukturu da hələ müəyyən edilməyib.
Kompüter hadisələrinə reaksiya verən komanda (CERT) kompüter sahəsində baş verən fövqəladə vəziyyətlərə cəld reaksiya verməyə hazır ekspertlərdən ibarət qrupdur.
CERT komandası adətən sistem və şəbəkə administratorları, həmçinin informasiya təhlükəsizliyi üzrə ekspertlərdən ibarətdir. Sistem administratorları sistem ehtiyatlarından istifadə bilikləri və təcrübəsini, o cümlədən məlumatların, mövcud ehtiyat avadanlığın və s. surətinin çıxarılmasına dair biliklər gətirirlər. Şəbəkə adiminstratorları şəbəkə protokolları və şəbəkə traffikinin marşrutizasiyasını dinamik şəkildə dəyişmək imkanlarına dair bilikləri verirlər. İnformasiya təhlükəsizliyi üzrə mütəxəssislər təhlükəsizliyə dair yaranan problemləri izləmək və müəyyən etmək, həmçinin ləkəli sistemlərin (hücumdan sonra) "açılmasını" keçirməyə qadirdirlər.