Azərbaycan, Bakı, 18 may/ Trend , müxbir S.Babayeva/Azərbaycanda yanvar-mayda təşkilat və əhaliyə 337,1 mln. manatlıq rabitə xidmətləri göstərilib ki, bu da 2007-ci ilin eyni dövrü ilə müqayisədə 35,9 faiz çoxdur. Bu barədə Azərbaycanın Dövlət Statistika Komitəsi məlumat verib.
Bununla yanaşı, gəlirlərin 70,6 faizi mobil rabitə xidmətlərinin payına düşüb, artım 40,8 faiz təşkil edib.
Quba-Xaçmaz iqtisadi rayonunda xidmətlərin artımı 28,8 faiz, Dağlıq-Şirvan - 48 faiz, Şəki-Zaqatala - 33,9 faiz, Aran - 28,7 faiz, Naxçıvan - 87,1 faiz, Lənkəran - 35,1 faiz, Abşeron - 28,1 faiz və Gəncə-Qazaxda - 28 faiz təşkil edib.
Yanvar-mayda rabitə sahəsində çalışan işçilərin sayı 22,6 min nəfər təşkil edib. Onların orta aylıq əmək haqları 358,9 manat olub ki, bu da ötən ilin müvafiq dövrü ilə müqayisədə 27,6 faiz çoxdur. Dövlət müəssisələri üzrə əmək haqqı artımı 24,6 faiz, özəl müəssisələr üzrə 19,7 faiz təşkil edib.
