Azərbaycan, Bakı, 17 iyul/ Trend , müxbir S.Babayeva/ İlk yarımildə Azərbaycanda İT məhsulları üzrə istehsal həcmi 38,4 faiz artımla 354,8 mln. manata çatıb, - Azərbaycan Dövlət Statistika Komitəsi xəbər verir.
Elektron-hesablama maşınları və informasiya emalı üçün digər avadanlıqlar sahəsində istehsal artımı 3,5 dəfə, ötürücü cihazlar 2,4 dəfə, yoxlama-ölçmə cihazları 2,9 dəfə, texnoloji prosesin tənzimlənməsi üzrə yoxlama aparatlarının quraşdırılması 2,2 dəfə, elektrik məişət malları və radioteleviziya aparatlarının topdan satışı 53,9 faiz, kompüter, periferiya, proqram təminatı (PT) satışı üzrə 66,5 faiz, PT-yə dair məsləhət və onun göndərilməsi sahəsində 59,6 faiz, elektrik rabitəsi 36,3 faiz, elektrik radioelementlərin istehsalında 2,7 dəfə təşkil edib.