Azərbaycan, Bakı, 03 sentyabr/ Trend Cap , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin Aztelekom İstehsalat Birliyi (İB) ölkənin Ağdaş rayonunda NGN (Next Generation Network) şəbəkəsinin yaradılmasına dair tenderin keçirilməsindən imtina edib.
İB-in verdiyi məlumata əsasən, şirkətlərdən NGN xidmətlərinin göstərilməsinə dair heç bir tender təklifinin daxil olmaması tenderin ləğvinə səbəb olub. Tenderdə iştirakın dəyəri 2 min manata bərabər olub.
Əvvəllər analoji şəbəkə Şamaxıda və rayonun 23 kəndində qurulub və istismara verilib. Bundan sonra regionun bütün sakinləri İP telefon, İnternet, televiziya xidmətlərindən istifadə etmək imkanı qazanıblar. Bunun üçün Şamaxının bütün kənd ATS və mərkəzi ATS- də Sloveniyanın İskratel şirkətinin müvafiq avadanlığı qurulub.
NGN (növbəti nəsil şəbəkə) paketlərin kommutasiaysından istifadə etməklə, nitqin, təsvirin və məlumatların ötürülməsi üçün nəzərdə tutulmuş çoxməqsədli universal şəbəkədir. NGN şəbəkəsi telekommunikasiya qrafikinin müxtəlif növləri üçün zəruri olan xidmət kefyiyyətini təmin edir. Yuxarıda adı çəkilən texnologiyanın tətbiqi abunəçilərə VoİP-telefon, səs poçtu, məlumatların ötürülməsi xidməti, multimedia xidmətləri, özəl virtual şəbəkələr, unifikasiya edilmiş məlumat mübadiləsi, sürətli məlumat mübadiləsi, interaktiv səsli cavab sistemi xidmətləri, videokonfrans və ev meneceri kimi xidmətlərdən istifadəyə imkan verəcək.