Azərbaycan, Bakı, 17 sentyabr / Trend , müxbir S.Babayeva/ Payızda Azərbaycan Rabitə və İnformasiya Nazirliyinin (RİTN) "Azerpocht" Dövlət Müəssisəsinə (DM) məxsus Bakının bütün poçt məntəqələrinin ölkənin Mili Bankı tərəfindən yaradılan milli kommunal ödəmə sisteminə qoşulması planlaşdırılır. Bu barədə DM-dən bildiriblər.
İyul ayında istifadəyə verilən sistemə paytaxtın 80 poçt məntəqəsi qoşulacaq.
DM-da qeyd edirlər ki, yeni sistemin tətbiqindən sonra kommunal ödəmələrin yığımı üzrə texniki proses daha səmərəli və sürətli həyata keçiriləcək.
"Texniki məsələlər səbəbindən regionlarda bu sistemi tətbiq etmək çətindir, bu səbəbdən də bu iş yaxın vaxtlarda reallaşmayacaq", - deyə DM-dan bildiriblər.
Sistem abunəçilər tərəfindən kommunal ödəmələrin həm bank və poçtların şöbə və filiallarında nəqd, həm də bankomat, POS terminal, İnternet-bankinq vasitəsilə qeyri-nəqd şəkildə reallaşdırılmasının təmin edilməsinə yönəldilib.
Bu gün elektrik enerjisi, su və qazdan istifadəyə görə ödənişlər bu sistem vasitəsilə həyata keçirilir.
"Azerpocht" DM strukturunun tərkibinə 59 poçtamt, 2 poçt müəssisəsi, 2 törəmə müəssisə və 8 rabitə qovşağı daxildir.
Ölkənin bütün əhali yaşayan məntəqələrini əhatə edən DM strukturunda 1,3 min post şöbəsi fəaliyyət göstərir.
