...

Azərbaycanda elektron imzanı yerli Şirkətlər Konsorsiumu tətbiq edəcək

Telekommunikasiya Materials 8 Oktyabr 2008 19:41

Trend-i buradan izləyin

Azərbaycan, Bakı, 08 oktyabr/ Trend , müxbir S.Babayeva/ Elektron imzanın tətbiqi üçün milli açıq açarlar infrastrukturunun quraşdırılması üzrə keçirilən tenderin nəticələri açıqlanıb. Tender Azərbaycanın Rabitə və İnformasiya Texnologiyaları Nazirliyinin İnformasiya - Hesablama Mərkəzi tərəfindən elan edilmişdi. Rabitə Nazirliyinin verdiyi xəbərə görə, tenderin kalibi Ultra Computers, Azerin şirkətləri və Microsoft-un yerli nümayəndəliyindən ibarət Konsorsium tenderin qalibi olub.

"Tenderin qalibi ilə bağlanılması nəzərdə tutulan müqavilə əsasında imzanın tətbiqi üzrə işlər gələn ilə planlaşdırılıb", - dövlət idarəsində qeyd edirlər.

Rabitə Nazirliyinin proqnozlarına əsasən, 2009-cu ildən ölkədə birinci elektron imzanın veriləcəyi gözlənilir.

Sınaq işləri də daxil olmaqla, belə mərkəzin yaradılması, orta hesabla, bir il vaxt və $2-3 mln. vəsait tələb edir.

Bu işlər Azərbaycan Respublikasının "Elektron imza və elektron sənəd haqqında" Qanununa müvafiq olaraq aparılır.

Xəbər lenti

Xəbər lenti