Azərbaycan, Bakı, 12 noyabr/ Trend , müxbir S.Babayeva/ Estoniya "elektron hökumət" sahəsində Azərbaycanla əməkdaşlıqda maraqlıdır, - Azərbaycan-Estoniya ticarət palatasının sədri Yana Krinpe çərşənbə günü bildirib.
"Bu gün Azərbaycanda böyük əməkdaşlıq perspektivləri, texnologiyaların yüksək səviyyəsi, çox maraqlı layihələr və ən əsası böyük siyasi iradə var", - Krinpe bildirib.
Onun sözlərinə görə, Estoniya "elektron hökumət" sahəsində (100-dən çox məlumat bazasını özündə birləşdirən Xroad layihəsi) Avropanın lider ölkəsidir və öz təcrübəsini Azərbaycanla bölüşməyə hazırdır.
"Azərbaycan və Estoniya "elektron hökumətdən" başqa internet-məkanın müdafiəsi məsələsində də əməkdaşlıq edə bilər", - Krinpe bildirib.
Son illər ərzində Estoniyanın Azərbaycana sərmayələrinin məbləği xeyli artıb. Lakin maliyyə böhranı ilə əlaqdar bu, ölkələr arasında mal dövriyyəsinə təsir göstərməyib.
