Azərbaycan, Bakı, 16 may / Trend , müxbir S.Babayeva/
Cari ilin yanvar-aprel ayları ərzində Azərbaycan Rabitə və İnformasiya Texnologiyaları nazirliyi 17 mindən artıq ailəni telefonla təmin edib. Bu barədə nazirlikdən məlumat veriblər.
Hesabat dövrü ərzində istismara verilmiş telefon nömrələrinin ümumi sayı 17628 ədəd təşkil edib. Onlardan 15244 ədədi "Aztelekom" İB-nin, digər 2384 ədədi isə "Baktelekom" İB-nin payına düşüb.
Hökumətin proqnozlarına əsasən, Azərbaycanda 2011-ci ilə kimi hər 100 nəfərə düşən telefon aparatlarının sayı 19,8 ədədə dək artacaq. Hzırda bu rəqəm 15 ədəd təşkil edir.
2008-ci ildə Rabitə və İnformasiya Texnologiyaları nazirliyi 126,4 min telefon nömrəsi istifadəyə verib.
Məqalə müəllifi ilə əlaqə ünvanı: [email protected]
