Azərbaycan, Bakı, 02 iyun / Trend , müxbir S.Babayeva /
Azərbaycan Rabitə və İnformasiya Texnologiyaları Nazirliyinin poçt operatoru Azerpocht "Maliyyə xidmətlərinin inkişafı" layihəsi çərçivəsində baş ofisin və poçt şöbələrinin əməkdaşlarının treninqi üzrə konsaltinq xidmətləri üçün tenderin qalibini müəyyən edib.
Azerpocht-un qərarı ilə layihə çərçivəsində məsləhətçi qismində Azərbaycan Bank tədris mərkəzi seçilib.
Konsaltinq xidmətləri aşağıdakı sahələrdə göstərilməlidir: mühasibat, daxili audit və beynəlxalq mühasibat standartları sahəsində iş təcrübəsi, müştəri xidmətiləri, marketinq və yeni məhsulların yaradılması, risklərin idarə edilməsi; bank-maliyyə xidmətləri, İT üzrə işin təşkili, insan resurslarının planlaşdırılması, işə qəbul və karyeranın inkişafı, strateji idarəetmə, fiziki və informasiya təhülkəsizliyi.
Layihənin ümumi dəyəri 17,5 milyon dollardır. Onlardan 12,5 milyon dolları Dünya Bankı tərəfindən kredit qismində, qalan 5 milyon dollar Azərbaycan hökuməti tərəfindən təqdim olunub.
Layihənin əsas məqsədi kənd yerləri və kiçik şəhər mərkəzlərində maliyyə xidmətlərindən yararlanma imkanlarının təkmilləşdirilməsi, həmçinin biznes infrastrukturunun yaradılması yolu ilə inkişaf və iqtisadi artıma yardımçı olmaqdır.
Məqalə müəllifi ilə əlaqə ünvanı: с[email protected]
