Azərbaycan, Bakı, 03 avqust / Trend , müxbir H.Vəliyev /
GRBS tədris mərkəzi Gəncə, Naxçıvan və Lənkəranda mühasibat uçotu üzrə məsafədən təlim təşkil edir. Bu barədə Trend -a bazar ertəsi GRBS TM-dən məlumat verilib.
İlkin məlumata görə, layihə 2010-cu ilin əvvəlində reallaşdırılacaq.
Məsafədən təlim sisteminin yaradılması müasir maddi-texniki bazanın mövcudluğunu, yüksəkixtisaslı professor-müəllim heyətini və tədris olunan bütün ixtisasları tamamilə təmin edən kompleks tədris-metodik materiallarını nəzərdə tutur.
Bu gün maddi-texniki bazanın inkişafının ayrılmaz hissəsi bölünmüş qlobal kompüter şəbəkəsidir. Bu məqsədlə GRBS yuxarıda göstərilən rayonlarda VPN (Virtual Private Network - virtual özəl şəbəkə) şəbəkəsi ilə birləşəcək əməkdaşlıq şəbəkəsini yaratmağı planlaşdırır. Təhlükəsiz kanallar vasitəsilə giriş təqdim edən şəbəkənin təşkil edilməsi elektron sənəd dövriyyəsinin inkişafı ilə əlaqədar olaraq son zamanlar geniş intişar tapıb. Uzaqda olan istifadəçilər üçün korporativ şəbəkənin istifadə imkanları tədris planının öyrənilməsi zamanı lazım olan resurslara girişi məhdudlaşdıracaq. Öz növbəsində VPN məxfi məlumatların təhlükəsiz ötürülməsi üçün istifadə olunacaq.
Maliyyə hesabatı üzrə hazırlıq kursları respublika ərazisində fəaliyyət göstərən şirkətlərin və təşkilatların 1 yanvar 2008-ci ildən mühasibat uçotunun milli və beynəlxalq standardlarına keçməsi barədə dövlət başçısının 29 iyun 2004-cü il tarixli fərmanına əsasən yaradılıb.
GRBS mərkəzi beynəlxalq səviyyədə mühasibat, idarə və vergi uçotu, mühasibat uçotunun beynəlxalq və milli standardları üzrə hazırlıq kurslarını nəzərdə tutur.
GRBS-lə tərəfdaşlıq müqaviləsinə əsasən şəffaflığa və peşəkar yanaşmaya riayət edilməsi üçün sertifikatlaşdırma imtahanının nəticələri Beynəlxalq Mühasiblər Federasiyasının (İFAC) - Azərbaycan Auditorlar Palatasının üzvləri tərəfindən qiymətləndirilir.
Məqalə müəllifi ilə əlaqə ünvanı: [email protected]
