Azərbaycan, Bakı, 04 avqust / Trend , müxbir Q.Vəliyev /
Oktyabrın 5-6-da Moskvada "Capacity Russia 2009" konfransı keçiriləcək. Konfrans dünyanın yüksək inkişaf etmiş telekommunikasiya bazarları olan regionlarında keçirilir. Bu il konfrans iştirakçılarının diqqət mərkəzində Rusiya və MDB bazarlarında səmərəli tərəfdaşlığın təşkili məsələləri olacaq.
Konfransda TTK, Rostelekom, Sinterra, Teliasonera, Vımpelkom və başqa şirkətlərin rəhbərlərinin rəsmi məruzə ilə çıxışı gözlənilir.
İP texnologiyaların vacibliyinin artması, məlumatların ötürülməsi mərkəzlərinin inkişafı və təhlükəsizliyi xidmətləri, səs xidmətləri, uzaq rabitə bazarındakı rəqabət, mobil operatorların biznes modelləri, sərmayələr və biznes tərəfdaşlıqları, VoIP idarəetmə, mobil trafik, qiymətəmələgəlmə, həmçinin WiMAX, 3G və optik-lifli rabitə xətti kimi getdikcə daha aktuallıq qazanan texnologiyalar haqda məruzələr dinləniləcək.
Konfransın ikinci günündə Azərbaycan, Belarus, Gürcüstan, Qazaxıstan, Tacikistan, Ukrayna, Özbəkistan kimi əsas inkişaf edən bazarlarda yeni gəlirli imkanların üstünlüklərindən yararlanma məsələləri nəzərdən keçiriləcək.
"MDB operatorlarının yeni bazarlara coğrafi ekspansiyası və MDB operatorları və beynəlxalq provayderlər üçün inkişaf edən imkanlardan istifadə olunması" məruzəsi ilə Aztelekom-un Baş direktoru Çağdaş Berksan və Rabitə və İnformasiya Texnologiyaları Nazirliyinin beynəlxalq rabitə və hesablamalar mərkəzinin direktoru Cəlil Cəfərov çıxış edəcəklər.
Kontent və onların paylanma şəbəkəsinin tədarükü vasitəsilə yeni gəlirlərin əldə olunmasına xüsusi diqqət ayrılacaq. Sessiya beynəlxalq operatorlar və servis provayderlərin öz şəbəkələrinin monetizasiyasının müzakirəsinə həsr ediləcək. Operatorlar təcrübə və kontentin paylanma üstünlüklərini bölüşəcək, qarşılarında duran çağırışlar və biznes üçün yaratdıqları yeni imkanlar haqda danışacaqlar.
Bazarın tələblərini əks etdirərək "Capacity Russia 2009" bu il əlaqələr üçün daha çox vaxt ayırıb ki, bu da nümayəndə heyətlərinə geniş ünsiyyət və yeni əlaqələrdən əlavə üstünlüklər qazanmaq, görüşlər təşkil etmək və uğurla çalışmaq imkanı verəcək. Bir neçə saat ərzində xüsusi əlaqə sessiyasında iştirakçılar eyni zamanda həm səs xidmətləri, həm də məlumatların ötürülməsi xidmətləri təqdim edən 300-dən çox rusiyalı milli və beynəlxalq operator və servis provayderlərin məsul rəhbərləri ilə ünsiyyət qurmaq imkanı əldə edəcəklər.
"Capacity Russia 2006" konfransı, işində Rusiya, Qərbi və Şərqi Avropa, həmçinin Asiya-Sakit Okean regionu ölkələrinin operator biznesini təmsil edən 200-dən çox mütəxəssisin iştirak etdiyi böyük və nüfuzlu forumdur.
Məqalə müəllifi ilə əlaqə ünvanı: [email protected]
