Azərbaycan, Bakı, 05 avqust / Trend , müxbir H.Vəliyev /
Avqustun 19-21-də Bişkəkdə poçt rabitəsi üzrə RRB komissiyasının və RRB poçt rabitəsi operatorları şurasının birgə 29/18 iclası və "Beynəlxalq poçt mübadiləsi üçün kompensasiya sisteminin iqtisadi prinsiplər və xidmətlərin keyfiyyəti əsasında təkmilləşdirilməsi" mövzusunda RRB rabitə adminisitrasiyası mütəxəssisləri üçün beynəlxalq seminar keçiriləcək. Bu barədə Regional Rabitə Birliyinin (RRB) məlumatında deyilir.
Azərbaycanı bu mərasimdə Rabitə və İnformasiya Texnologiyaları Nazirliyinin "Azərpoçt" Dövlət Poçt Operatoru təmsil edəcək.
İclasın ilk günündə Ümumdünya Poçt İttifaqının (ÜPİ) 24-cü Konqresinin (Cenevrə, 2008) qəbul etdiyi 2010-2013-cü ildə son xərclər sistemi və son xərclər üzrə gələcək işlərin analizi müzakirə ediləcək.
İştirakçılar sonluq sistemi ölkələri, sonluq sisteminin yeni ölkələri və keçid sisteminə malik ölkələrə tətbiq edilən tarif və şərtlər, həmçinin C17/2008 qətnaməsinə uyğun olaraq ölkə və ərazilərin sıralaması, apellyasiya verilməsi üzrə qayda və prosedurları müzakirə edəcəklər. Həmçinin əlavə xidmətlərin (sifarişli göndərişlər, elan edilən dəyərli göndərişlər) ödənilməsi məsələsi, 2010-2013-cü illər dövründə xidmətlərin keyfiyyətinin standart və göstəriciləri də gündəliyə çıxarılacaq.
İclasın ikinci günü 2006-2009-cu illər dövründə beynəlxalq göndərişlər üzrə RRB xidməti göstəricilərinin ölkələr tərəfindən yerinə yetirilməsinin analizinin nəticələrinə həsr ediləcək. Azərbaycan nümayəndələri "ÜPİ-nin beynəlxalq bürosunun keyfiyyət idarəsinin sertifikasiyasının keçmiş RRB AS təcrübəsi mübadiləsi" və "Beynəlxalq ekspress-poçt RRB sistemi (EMS RRB) çərçivəsində inkişaf konsepsiyası" mövzularında məruzə ilə çıxış edəcəklər. İştirakçılara həmçinin iyunun 4-5-də Bakıda keçirilmiş poçt maliyyə xidmətlərinin inkişafı üzrə RRB konfransının yekunları da təqdim ediləcək.
Məqalə müəllifi ilə əlaqə ünvanı: [email protected]
