Azərbaycan, Bakı, 06 avqust / Trend , müxbir H.Vəliyev /
Rabitə və İnformasiya Texnologiayaları Nazirliyinin Aztelekom İstehsalat Birliyi Ağdamın Quzanlı kəndində Bərdə rayonunun yaşayış məntəqələrini də əhatə etməyə imkan verən CDMA simsiz rabitə şəbəkəsini genişləndirib. Bu barədə Trend -a İB-dən məlumat verilib.
Aztelekomdan qeyd olundugu kimi, hazırda CDMA şəbəkəsi Abşeron yarımadası, Şamaxı, Gəncə, Ləknəran, Zaqatala, Quba, Xaçmaz, Masallı, Şəmkir, İmişli, Mingəçevir, Şəki, Kürdəmir, Qax, Balakən, Sabirabad, Ağdam, Fizuli, Beyləqan, Ağdaş, Ağsu, Cəlilabad, Yevlax, Göyçay rayonlarının ərazisini əhatə edir.
Bu günə Aztelekom İB-nin CDMA şəbəkəsinin abonentlərinin sayı 15 695, o cümlədən Bakı və Abşeron yarımadası üzrə 5109 nəfərdir.
Alternativ genişzolaqlı DSL girişi olmaqla CDMA, xüsusilə kabel çəkilməsinin qiyməti yüksək olan uzaq rayonlarda əhalinin informasiyaya (xüsusən də İnternet şəbəkəsinə) girişini sadələşdirməyə imkan verir.
Genişzolaqlı İnternet xidmətləri Xırdalan şəhərində, Abşeron yarımadasında və Şamaxı rayonu ərazisində NGN bazasında da göstərilir. Göstərilən regionlar üzrə fəal portların miqdarı 1409 ədəddir. Sumqayıt şəhərində cəlb olunmuş portların ümumi sayından (424 ədəd) cəmi 50 port sərbəstdir.
Aztelekom İB-dən qeyd olunduğu kimi, hazırda müəssisələr NGN şəbəkəsinin Gəncə, Zaqatala, Şəki, Lənkəran, Şəmkir və Mingəçevirdə tətbiqi işini həyata keçirirlər.
Məqalə müəllifi ilə əlaqə ünvanı: [email protected]