Azərbaycan, Bakı, 24 sentyabr / Trend , müxbir H.Vəliyev /
Rabitə və İnformasiya Texnologiyalarının nəzdində olan Azərpoçt MMC maliyyə xidmətlərinin inkişafı layihəsi çərçivəsində tender elan edib.
Tender telekommunikasiya avadanlıqlarının - Radio Bridge, Optik multipleksor, HDSL Modem, ADSL Modem, Secure Broadband Router, 24 Port Switch, Converter (E1 IR-ETH/E1 IR-IP), G.SHDSL modem - Bridge/Router, Media Converter, 8 Port Fast Ehthernet Switch-HUB) alınmasını və quraşdırılmasını nəzərdə tutur.
Tenderdə iştirakın dəyəri 500 dollar təşkil edir. Tender təklifləri 10 min dollar məbləğində zəmanət ilə təmin olunmalıdır.
İştirakçıların təklifləri noyabrın 6-na kimi Azərpoçt MMC-nin Üzeyir Hacıbəyov 36 ünvanında yerləşən binasında qəbul olunur. Əlaqə telefonu: 493-56-00 (daxili 160), faks 493-00-37.
Tender təkliflərinin açılışı həmin gün saat 16:00-da baş tutacaq.
Məqalə müəllifi ilə əlaqə ünvanı: [email protected]